Blogs Lalibre.be
Lalibre.be | Créer un Blog | Avertir le modérateur

26/08/2008

Priyere

Prière composee par A. Garay au Bloc des condamnés a mort de la Citadelle de Liège. Elle était récitée chaque soir par tous les condamnés.Je suis juste impressione par sa beaute...

 

Priyère

 

O Binamé Bon Djû, qwand dji touke a m’consciynce

Dji m’dimande di qué dreu dji v’wesse co bin priyi,

Mins vos z’estez si Bon, qui dji r’prind confiynce:

Comme tofer c’est les pônnes qui m’tapès st’a vos pids.

 

Mi åme est plinne di r’grets Bon Pére et d’dilouhance

Mi creux d’vint si pesante qui si vos n’maidiz nin

Elle mi språchrè d’zos lèye, dj’è n’a l’acertinance;

Mågré tos mes pètchis, mon Djû, stindém li main.

 

Vos inamé Signeur qu’a d’né s’veye po nos autes.

Vos qui prètchiv’ l’Amour, li Påye èt l’Charité

Vos qui trova l’Pardon po l’trahison d’l’apôte,

Sîgneur, å pid d’voss Creux dji v’vins d’mandé pitié.

Pitié po tos les omes, arrestez leu sot’rèye,

Raminez don l’clarté divins leus pauv’cervès,

 

Fez riv’ni l’påye Sîgneur, fez  fini l’boutch’reye ;

A  cîx qu’mînès lès peupes rindez l’raison si v’plait.

Et vos binamée Mére qu’a soffrou tot l’mårtyre

Dè vèye mori voss Fils, po lès méres qui plorès

A  mes pauv’pitits mots, djondéz co voss priyère ;

Féz çoulà Sainte Avierge po lès mâmes qui t’choulès

Pos tos lès p’tits mamés qui ratindès leu pére

Po tant dès djônnes djins qui l’guére hape a l’amour

Po lès pètchîs dè monde, doûx, metchansté, misére,

O mâme di tos lès omes djiv’z’è preye di to m’cour.

 

Citadelle de Liege, octobre 1941

A Garay

 


 

 

 

04:45 Publié dans Belgique | Lien permanent | Commentaires (0) | Tags : wallonie, religion

Les commentaires sont fermés.